الممثلة السورية سوسن أرشيد ترد على الممثلات والممثلين المستهزئين بمجزرة الكيماوي
ردت الممثلة السورية” سوسن أرشيد” زوجة الممثل “مكسيم خليل” على اللوحة التي أداها كل من “حسين عباس” و”أمل عرفة” و”غادة بشور” مع ممثلين آخرين، في مسلسل “كونتاك”،
والتي جسدت نسخة غير أخلاقية عن واقع سوري مفبرك، يشارك فيه الضحايا وعناصر الدفاع المدني بتزوير الحقائق، وصورت “أصحاب الخوذات البيضاء” على أنهم “محتالون يتلاعبون بالحقائق لتأليب الرأي العام”، ومجازر الكيماوي ودموع الأمهات الثكالى وآلام الضحايا تحت الركام على أنها “مجرد تمثيل”، في حبكة ظاهرها تهريج وابتذال، وباطنها تبرئة لصفحة النظام الملطخة بالدماء.
وقالت ” أرشيد” في منشور لها على صفحتها على “الفيس بوك”، “مابستغرب من ممثلين مقضيين وقتهون عم يهرجوا لشركات الانتاج وللدولة ويلي فوق ويلي تحت ويلي بالنص ليحصلوا على دور او شبه دور إنّو يبيضوا صفحة النظام ويدعسوا على جثث الاطفال يلي ماتوا قدّام اهاليهون وهنن عم يختنقوا من كيماوي قائدكون وجيشو وطيرانه مابستغرب تعملوا اي شي لتضلوا تشاركو بهالمهزلة العظيمة يلي مسمينها دراما بس بحب تعرفوا إنّو حتى بأحلامكون مارح تحلموا تمرقوا من جنبهاللريد كاربت بهوليود انتوا كتير عليكون تمشوا وراسكون بالأرض وفوقوا البسطار للأبد للأبد في شوارع سجنكون الكبير تحت السقف يلي حددولكون ياه وتهللو للطغاة وللغزاة يامهرجين القصر وسيكتب التاريخ إنّو في ممثلين كرمال أجر بلوحة باعوا دم أهلهون وناسهون
السلام لأرواح الأطفال والسوريين يلي رحلوا من أجل الحرية والكرامة، والسلام لأصحاب الخوذ البيضا يلي حطّوا قلوبهون على ايدهون لينقذوا ماأمكن انقاذه ولا تآخذونا لما فعل السفهاء منّا .
